u sonniu

Salute,

Ci si pare chì a Corsica di u XXIesimu seculu abbii persu a boia di sunnià o peghju ch'ella si vargundissi di sunnià chì sunnià ùn face guadagnà nulla à nimu.
L'intrata inde a mudernita ùn si pudarìa fà senza ricerca di a pena....s'omu sta à sente à u discorsu di a maiò parte di i nostri paisani.
Chì piccatu !
Certi citadini di issu paese volenu custruì è gode di a nova sucetà chì principia à nasce un pocu di più tutti i ghjorni.
Custruì appughjendu si nant'à e forze di a ghjuventù è ancu di tutti quelli ch'ùn volenu micca strughje si inde una sucetà chjosa, senza apertura à e sfarenze chì sò e ricchezze di l'altri, vale à dì inde una sucetà ferita è sottumessu à a lege di u soldu rè.
Custruì travagliandu simpliciamente à sviluppà e sulidarità cotidiane : impatrunisce si dinò di a tarra pà amparà a produce, di i spazii culletivi abbandunati pà mette in ballu attavità culturale,urganizzà mercati di produttore chì vendenu à bon pattu, sgurdà si ogni tantu di u valore marcante pà pinsà a u valore umanu.

Cusì pudarà rinvivisce u cumunu.

Chì ne pensate voi di ciò ch'ellu hè u cumunu ?